Marriage

പരിണയം
******************
എൻ പാതി പകുത്തൊരു പതിവ്രതയെ നിന്നെ
പ്രാണനെന്നല്ലാതെന്തു വിളിപ്പു ഞാൻ
പരിണയമെത്രയപാരമെന്നാദ്യമായ്
യെന്നിലെയെന്നോട് ചൊല്ലി ഞാനാദ്യമായ്
"നീയുണ്ണായ്കിലു മൂട്ടണമിവളെ
നീയുടുക്കായ്കിലുമുടുപ്പിക്കണമിവളെ "
ഊട്ടിയതുമുടുപ്പിച്ച്തും നീയല്ലെ പ്രിയേ -
യെന്റെയുറവ വറ്റിയ ജീവിതത്തെ
നിൻ മധുരമൊഴിയാലെന്നിലിത്തിരി
നന്മയുടെ വിത്തുകളിട്ടതിനെ
നിൻ താങ്ങാൽ, തണലാൽ തലോടലാൽ
ജലവും വളവുമേകി വളർത്തിയിന്നതീ
ഞാനായി മാറിയെൻ
പുതുജീവിതത്തിൻ നാമ്പു നീട്ടി
പേടിയില്ലോട്ടുമിനി നീയെന്റെ -
യരികിലെന്നാലീ ജീവിതം ജീവിച്ചു തീർക്കാനായ്